Ініцыятарамі гэтага мерапрыемства выступіла творчая група “НАШ Магілёў”.

“Шоу беларушчыны” – гэта эмацыйная ўспышка, гульня і віктарына адначасова, якая праводзіцца адмыслова на беларускай мове, - гаворыць адзін з ініцыятараў правядзення віктарыны Ігар Барысаў, - удзельнікам задаюцца пытанні з геаграфіі, гісторыі, мовы, музыкі, літаратуры ды і проста глыбіні душы”.

“Ініцыятыва правядзення “Шоу беларушчыны”, - працягвае Ігар, - узнікла ў выніку нашага шчыльнага супрацоўніцтва з былымі сябрамі кіраўніцтва рэспубліканскай арганізацыі “Малады Фронт”.

Магілёўская арганізацыя “Маладога Фронту” фактычна бездзейнічае, - гаворыць Андрэй Воўкаў, -а працаваць з моладзю і выпрацоўваць у іх любоў да свайго беларускага камусці трэба. Вось мы і вырашылі дапамагчы ў правядзенні такога мерапрыемства”.

Мне вельмі спадабалася”, - гаворыць Алесь Паплыка, адзін з удзельнікаў віктарыны: “Я нават выйграў невялікі каштоўны прыз – касету з беларускімі спевамі, што вельмі прыемна. Хацелася канешнее выйграць кампакт-дыск, але знайшліся больш спрытныя ўдзельнікі, якія апярэдзілі мяне па колькасці агульных балаў”.

Творчая група ”НАШ Магілёў” на гэтым не прыпыняецца і ў бліжэйшы час плануе правядзенне яшчэ некалькіх такіх віктарын.

Вітольд НЯЎРЫДА