Ігар Пушкін, магілёўскі гісторык

Для мяне 25 сакавіка гэта дзень абвяшчэння незалежнасці Беларусі.

Магілёў быў ці не адзіны буйны горад Беларусі, дзе на прадстаўнічым узроўне ў ліпені 1918 года была падтрымана ідэя незалежнасці БНР.

Палітычныя сілы дакладна святкуюць яго ў бліжэйшы выхадны дзень да гэтай даты. Што датычыцца беларусаў, то кожны адзначае яго па-рознаму – хтосці ў сям’і, хтосці нейкім мерапрыемствам, хтосці збіраецца з сябрамі.

Звычайна, я адзначаю яго 25 сакавіка, а не 23 і не 24. Дзень Волі неабходна адзначаць 25 сакавіка. Калі гэтая дата (дзень) будзе ў сэрцы кожнага, то кожны беларус будзе аб гэтым ведаць і тады гэта будзе сапраўднае свята. Калі мы прыўрочым проста мерапрыемствы ў бліжэйшы вольны дзень то гэта скажае сэнс свята.

Гутарку вёў Вітольд Няўрыда